Samux rayon İHB-nın Sərkar kənd İƏD-si üzrə nümayəndəliyinin 2018 –ci ildə gördüyü işlər və 2019 –cu ildə qarşıda duran vəzifələr haqqında hesabatı keçirildi.
Artıq 2018- ci il arxada qaldı. Ötən ildə d Respublikamızda bir çox yadda qalan tarixi hadisələr oldu. Azərbaycan Respublikasının Prezidenti Cənab İlham Əliyev 2018-ci ili “ Azərbaycan Xalq Cümhuriyyəti Ili” elan etmişdir.Ötən il AXC-ni 100 iliyini ölkəmizdə yüksək səviyyədə qeyd edildi.
2018- ci ildə əvvəlki illər kimi respublikamızda və rayonumuzda qazanılan nailiyyətləri unutmaq olmaz. Ölkə rəhbəri 2003-cü ildən başlayaraq bu günə kimi ulu öndər Heydər Əliyev kursunu davam etdirərək respublikamızın sosial – iqtisadi həyatında mühüm rol oynayan sənədlər,o, cümlədən şəhər, rayon, qəsəbə və kəndlərin inkişafını özündə əks etdirən “Azərbaycan Respublkasının 2014- 2018 –ci illər, sosial – iqtisadi inkişafının sürətləndirilməsi haqqında” Dövlət proqramını ölkəmizdə yüksək surətdə həyata keçirildi .
Bu proqramın həyata keçirilməsi, yerli icra hakimiyyəti orqanlarında səmərəli və geniş iş metodlarından istifadə etməyinə böyük kömək olmuşdur. Dövlət başçısının , verdiyi bu fərmanından sonra respublikamızın hər yerində bu qərardan irəli gələn vəzifələrin yerinə yetirilməsi ,
əhalinin rifah halının yaxşılaşması cəmiyyətin mənəvi saflaşmasının təmin olunması , bütövlükdə ölkəmizin iqtisadi qüdrətinin artması, artan əmək haqqları, pensiyalar , sosial məsələlərin həlli, məktəblərin , tibb ocaqlarının , idman bazalarının yaradılması , şəhər, rayon , kənd və qəsəbələrin abadlaşdırılmasında özünü tam göstərmişdir.
Bu gün ölkəmiz , dövlət rəhbərinin ayıqlığı, siyasəti, mətinliyi və savadlığı sayəsində dünya arenasında, hər sahədə inkişaf etməsi , ölkədə sakitliyi, əmin amanlığı ,əhalinin dinc yaşaması hər bir ölkəyə örnək olmuşdur.
Yuxarıda qeyd etdiklərim inkişafı rayonumuzda , eləcədə onun iri kəndlərindən biri olan Sərkar kəndinin simasında da aydın görmək olar.
Hesabat ilində Sərkar kənd İnzibati Ərazi Dairəsi üzrə nümayəndəsi, kənd bələdiyyəsi ilə birgə kəndimizdə, tikinti , abadlıq və təmizlik işləri görmüşdür.
Sərkar kəndi, ərazisinin böyüklüyünə və əhalisinin sayına görə rayonumuzun ən iri kəndlərindən biridir. Kənd, rayon mərkəzindən 5 km. aralıda yerləşir.
Ərazisi 1862 ha , əhalisi 5496 nəfərdir. Kənddə 1118 təsərrüfat mövcuddur ki, bununda 965 - də şəxsi yaşayış evi vardır. Nümayəndəliyin qeydiyyatında olan 214 nəfər kənd sakinləri, respublikamızda və ondan kənarda yaşayırlar. Eyni zamanda 168 nəfərə qədər vətəndaş respublikamızın müxtəlif yerlərində qeydiyyatda olsalarda , kəndin ərazisində yaşayırlar. Kənddə 44 məcburi köçkün ailəsi yaşayır.
Kəndimizdə 93 nəfər müəllimi və 757 nəfər şagirdin təhsil aldığı , 28 nəfər texniki işçinin çalışdığı bir tam orta məktəb, 300 nəfərlik mədəniyyət evi , 1 kitabxana , 2 qrupdan ibarət uşaq bağçası, 1 tibb məntəqəsi , 1 uşaq musiqi məktəbi , 1 poçt filalı , 1 elektron ATS, 1 mineral su istehsal edən sex, quşçuluq fabrikası, 800 tonluq soyuducu anbar və eyni zamanda dövlət dəstəyi tərəfindən Çin avadanlığı gətirilərək kişmiş qurutma sexi qurulur, 28 nəfəri özündə birləşdirən 14 ticarət obyektləri və 1 dəri sexi fəaliyyət göstərir. 225 - dan artıq kənd əhalisi, kəndin ərazisindən kənarda müxtəlif təsərrüfatlarda çalışırlar.Kənddə 767 nəfər pensiya alır ki, onlardan da 28 nəfər - 1 qrup , 248 nəfər - 2 qrup əlilliyə görə, 21 nəfər- III qrup , qalanları isə sosial yardım və qocalığa görə pensiya alanlardır. Kəndimizdən 7 nəfər - Qarabağ torpağı uğrunda, 1 nəfər Aprel döyüşlərində , 1 nəfər - Əfqanıstan döyüşlərində şəhid olmuşdur. 4 nəfər- Qarabağ əlili vardır.
Kəndin mərkəzində yerləşən mədəniyyət evinin həyətində kənd bələdiyyəsi tərəfindən salınan mini park kənd əhalisinə xidmət edir
Möhtərəm prezidentimiz təhsilə, mədəniyyətə səhiyyəyə göstərdiyi diqqət və qayğının nəticəsidir ki, hesabat ilində məktəbimizin 44 nəfər məzunundan 19 nəfəri ayrı – ayrı unverisitetlərə qəbul olmuşdur və eyni zamanda 3 nəfər orta - ixtisas təhsil müəssisələrinə daxil olmuşdur.Bu şagirdlərdən 8 nəfəri 500-583 bal toplamışdırki, onlardan ən yüksək bal toplayan – 583 bal toplamışdır. Məzunlardan iki nəfər Bağırov Rza Adil oğlu, Cəlilli Aslan Fuad oğlu “Mən Azərbaycanlıyam” verilişində iştirak etmiş hər ikisi finala çıxmış, Bağırov Rza Adil oğlu verlişin qalibi olmuşdur.
Məktəbimizdə 2 nəfər,Almaz Əsgərova və Məfkurə İsrafilova əməkdar müəllim, 1 nəfər Afət Rzayeva kimi qabaqcıl təhsil işçisi çalışır.
2001- ci ildən fəaliyyət göstərən Sərkar kənd musiqi məktəbində 52 nəfər peşəkar müəllim çalışır, 283 nəfər şagird musiqi təhsili alır. İstedadlı şagirdlərin üzə çıxarılması üçün məktəbdə mütamadi olaraq şagirdlər arasında siniflər üzrə müsabiqələr keçirilir. Hesabat ilində məktəbin şagirdlərinin iştirakı ilə Tofiq Quliyevin 100 illik yubleyinə həsr edilmiş Samux rayon Heydər Əliyev Mərkəzində yubley gecəsi keçirilmişdir. Bakı şəhərində isə Qara Qarayevin 100 illik yubleyinə həsr edilmiş “ Təhlil və ifa edir gənc musiqiçilər “ adlı müsabiqədə məktəbin IV sinif şagirdi Quliyeva Nurlana iştirak edərək həvəsləndirici diploma layiq görülmüşdür. Bayramova Rəfayət Yasin qızı “Gənc kamança ifaçılarının II Respublika müsabiqəsi”ndə çıxış etmiş və fəxri fərman almışdır. Hesabat ilində məktəbin 45 nəfər məzunundan 9 nəfəri Gəncə musiqi Kollecinə, 1 nəfər Məmmədov Cəmil Musa oğlu rayon icra başçısının dəstəyi ilə Azərbaycan Milli Konservatoriyasına qəbul olmuşdur.Hesabat ilində rayonda keçirilən bütün tədbirlərdə məktəbin kollektivi yaxından və fəal iştirak etmişdir.
Sərkar kənd tam orta məktəbinin idman zalında 50 nəfər uşaq, sərbəst güləş növü üzrə məşğul olurlar. Onlardan 20 nəfər uşaq və gənc Sərkar kənd sakinləridir.
Hesabat ilində Samux rayon Sərkar kəndində sərbəst güləşçilərimizin də nailiyyətləri olmuşdur.Belə ki rayonumuzda keçirilən 2 mötəbər turnirdə 1 yerin qalibi olmuşlar.Bir sıra rayon və şəhər turnirlərində yüksək nailiyyətlər qazanmışlar.
Hesabat ilində Azərbaycan futbol federasiyasının bayrağı altında hər il keçirilən uşaq və gənclər arasında futbol turnirində 2 yaş qrupu iştirak etmişdir.Yarış əsnasında Y-10 liqasının uşaqları mərhələ keçib 6 klub arasına düşmüşdür.Yarış əsnasında uşaqlar 12 xal toplamışdır.Onu da qeyd etmək istıyirəm ki, 11liqasının uşaqları 12klub arasında 6 –cı yerlə kifayətlənmişdir.Klubun 5 üzvü Qafqaz futbol klubunda müqavilə əsasında oynamışdır.
Yekunda mən deməliyəm ki , həm orta məktəbimiz, həm də müsiqi məktəbi ötən il qənaətbəxş göstəricilər əldə etmişdir.
Kənddə fəaliyyət göstərən mədəniyyət evində tez- tez tədbirlər keçirilir.Bununla yanaşı kollektiv , Yenikənd N hərbi hissələrə sovqat apararaq konsert proqramları ilə çıxış etmişlər. İyunun 26 –da Silahlı Qüvvəlimizin yaranması günü münasibətilə Burunqovaq kəndində N saylı hərbi hissədə sovqat apararaq , konsert proqramları ilə çıxışlar etmişlər. Hesabat ilində rayonda keçirilən bütün tədbirlərdə mədəniyyət evinin kollektivi də fəal iştirak etmişdir.
Kənddə yerləşən həkim məntəqəsi kənd əhalisinə xidmət edir. 2 qruplu uşaq bağçasında 35 nəfər uşaq təlim - tərbiyə alır. 1 elektron ATS 905 nəfər abonentə yüksək dərəcədə xidmət edir.
Bildiyimiz kimi, kəndin əhalisinin əsas məşğuliyyəti heyvandarlıq və əkinçilikdir. Kəndi əhatə edən 1862 ha torpaq sahəsinin 1423 ha xüsusi mülkiyyətdə , 439 ha bələdiyyə torpağıdır.
Hesabat ilində Dövlət Statistika Komitəsinin müvafiq qərarı ilə təsərrüfatbaşına kitabların elektron qaydada, onlayınla işlənib başa çatdırılmışdır. 2019-cu ilə əhalinin siyahıya alınması üçün hazırlıq işləri aparılmış , təbliğat , təşviqat işləri işlənib hazırlanmışdır.
Kənd sakinləri hesabat ilində ölkəmizin iqtisadiyyatı üçün vacib olan 410 ha taxıl sahəsindən 1361 ton taxıl (33.sent) 91 ton qarğıdalı, 336 ton günəbaxan toplanmışdır (29-30sent). Hesabat ilində kəndimizdə 90 ha şəkər çuğunduru əkilmişdir ki, cəmi 2625.ton məhsul toplanmışdır. O, cümlədən ərazidə 5 ha yaxın istixana vardır .Kənddə əhali heyvandarlıq sahəsinə də ciddi diqqət yetirir. Belə ki, 2018 – ci ildə əhalidə 785 baş iri buynuzlu , 9875 baş xırdabuynuzlu mal –qara qeydə alınmışdır. Keçən ilə nisbətən bu ildə əhalidə 906 baş iri buynuzlu,10075 baş xırda buynuzlu mal qara qeydə alınmışdır. Hesabat ilində Nümayəndəlik və kənd bələdiyyəsi tərəfindən ərazidə yaşayan Böyük vətən müharibəsi və Qarabağ əlillərinə , şəhid ailələrinə, tək və imkansız yaşayan ailələrə daimi diqqət və qayğı göstərilmiş , icra nümayəndəliyi tərəfindən 63 nəfərə və kənd bələdiyyəsi tərəfindən 100 nəfərə qurban payı və bayram sovqatı göndərilmişdir. İmkansız ailələrin üzvülərinə dəfn günü , yas mərasimlərinə maddi və mənəvi köməklik göstərilmişdir.
Kənd əhalisinin ən yaralı sahəsi olan əkin sahələrinin yay aylarında suvarılmasında yaranan çətinliklərdir. Hesabat ilində , 2 artezian vurulub.Bu yaxınlarda istifadəyə veriləcək.2 küçəyə Qeyri Hökumət Təşkilatının dəstəyi tərəfindən içməli su quyusu istifadəyə verilməkdədir. Bu il ölkə prezidenti cənab İlham Əliyevin dəstəyi ilə rayonumuza ayrılan subartezan quyularından, rayon İcra Hakimiyyəti başçısı cənab Alı Qocayevin köməkliyi ilə kəndin ehtiyacı olan sahələrinə yenidən 2 quyunun qazılmasının tapşırığı verilmişdir.
Bundan əlavə, hesabat ilində, kənd təsərrüfatı məhsulları istehsalçılarının əkin sahələrinin və çoxillik əkmələrin becərilməsində istifadə etdiyi , yanacaq və motor yağlarına görə 549 nəfər istehsalçıya 54443 manat güzəşt olmuşdur. Təkrar əkin üçün isə 3585 manat güzəşt olunmuşdur.
Azərbaycan Respublikası Prezidenti cənab İ. Əliyevin “Sosial - iqtisadi inkişafın sürətləndirilməsi “ haqqında fərmanın 7-ci bəndinə əsasən dövlət rəhbərliyinin gündəlik nəzarətində olan əhalinin yerlərdə ərizə və şikayətlərinə baxılması və onların problemlərinin həlli sayəsində , rayon icra hakimiyyətinin başçısı cənab Alı Qocayev il ərzində 2 dəfə Sərkar kəndində əhali ilə görüş keçirmişdir. Məlumat üçün deməliyəm ki, cənab Alı Qocayev əhali ilə görüşlərdə onların təklif və şikayətlərinə diqqətlə yanaşmış və yerində həllinə tapşırıqlar vermişdir.
Hesabat ili ərzində 22 nəfər yuxarı təşkilatlara, 18 nəfər rayon icra Hakimiyyətinə yazılı ərizə ilə müraciət edilmişdir.
Hesabat ilində nümayəndəliyə 19 yazılı ərizə və şikayət, 116 şifahi qəbul ,97 məktub daxil olmuş, 134 yuxarı təşkilatlara məktub göndərilmiş ,15 əmr verilmişdir.
Il ərzində 55 nəfər doğum , 39 nəfər ölüm qeydə alınmışdır. Hal – hazırda 19 nəfər gənc, ordu sıralarındadır.
Nümayəndəlik kənd bələdiyyəsi ilə birgə ,rayonda ağacəkmə kampaniyasında fəal iştirak etmişdir.
Hazırda kənddə 1235 qaz, 1308 işıq abonentləri vardır.
Hesabat ilində icra nümayəndəliyinə və tabeliyindəki müəssisəyə dövlət büdcəsindən , smeta əsasında 42135 manat əmək haqqı , 2390 manat kommunal xərc üçün vəsait xərclənmişdir.
Nümayəndəlik hesabat ilində öz işini kənd bələdiyyəsi və ictimayyətlə birgə quraraq bir sıra işlər görmüşdür. Belə ki, 15 ailəyə içməli su xətti çəkilmişdir.
İl ərzində Rayon Telekommunikasiya Qovşağının rəhbərliyi və icra nümayəndəsi ilə birgə 5 nəfərin telefon xətti naqillərinin dəyişdirməsinə köməklik olunmuş və 8 nəfərə yeni telefon xətti çəkilmişdir. 64 nəfər sakin internetlə təmin olunmuşdur.
Hesabat ilində 9 nəfər ailəyə qaz sayğacı quraşdırılmışdır.
Hesabat ilində nümayəndəlik və bələdiyyə sədri , kənd əhalisi ilə tez-tez geniş görüşlər keçirmiş və onların tələbləri dinlənilmişdir.
Nümayəndəliyin və kənd bələdiyyəsinin köməkliyi ilə hər həftənin 1-ci günü bir texnika, 2 nəfər fəhlə ayrılaraq , küçələrin və su arxlarının zibilləri toplanıb yığılır. İl ərzində kənd ərazisinin küçələrindən 750 ton zibil daşınmışdır.
Nümayəndəlikdə hər gün vətəndaş qəbul edilib, onların kommunal tələbləri dinlənilib, icra edilmişdir və bu gündə edilir.
Hesabat ilində SOS uşaq kəndinin köməkliyi ilə 11 ailənin həyətyanı sahəsində çiyələm şitilləri gətirilib əkilmişdir.
Yeni il qabağı rayonda İHB-nın təşəbbüsü ilə keçirilən yarmarkada kəndimiz yüksık səviyyədə fəallıq göstərmişdir.
Mən nümayəndəlik adından qeyd etmək istərdim ki, işlərimizdə hələ də nöqsanlar vardır. Mən əminəm ki, köhnə ildə buraxdığımız nöqsanları 2019 - cu ildə təkrar etməyəcəyik, yeni iş üsulları ilə işimizi kənd bələdiyyəsi ilə birgə qurub , əhaliyə günün tələbləri səviyyəsində xidmət edəcəyik.
Qarşımızda hələ bir çox işlər durur .Belə ki,3 - cü kənd icma investissiya lahiyısi ilə birgə kəndin qalan yollarının təmiri, küçələrdə yeni su xəttlərinin çəkilməsi ,tibb məntəqəsi və uşaq bağçasının təmiri,uşaq bağçasında istilik sisteminin yaradılması və İHB –nin köməkliyi ilə müasir məktəbin tikilməsi kimi mühüm işlər durur.