Samux Rayon İcra Hakimiyyətinin başçısı cənab Alı Qocayevin rayonun Kəsəmən kənd sakinləri ilə növbəti səyyari görüşü keçirildi.

Samux  Rayon  İcra Hakimiyyətinin  başçısı cənab  Alı Qocayevin rayonun Kəsəmən kənd sakinləri ilə növbəti səyyari görüşü keçirildi.
Görüşdə kənd  sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə  Poylu      kənd inzibati ərazi dairəsi üzrə icra nümayəndəsi  kənd barədə iclas iştirakçılarına geniş məlumat verdi.  Kənddə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.Daha sonra kənd sakinləri tərəfindən çıxışlar və təkliflər oldu:
1. Həsənov Müzadil Sadəddin oğlu   Poulu bələdiyyəsinin ehtiyat fond torpağından 2 ha torpaq sahəsinin verilməsini xahiş etdi  .
2. Bağırov Tahir Qasım oğlu Kənddə internet sürətinin zəif olduğu üçün köməklik  göstərilməsini xahiş etdi.
3. Aslanov Məmməd Aslan oğlu su təmizləyici qurğunun  nasosunun yanmasını bildirdi və təmir edilməsinə köməklik göstərilməsini xahiş etdi.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi